طبعاً قبل ما أبدأ... أحب اعتذر لكم ع الانقطاع الكبير عن اليوتيوب والمدونة هالأيام
لأن تعرفون أيام اختبارات وصعب أصور واسوي فيديو أو أكتب تدوينة عن شي زي الناس
لأني أصلاً راح أحتاج أصور بالنهاية
بس ان شاء الله لما تصير عندي فرصة راح أنزل صور ارشيفية ع الانستقرام
لو حابين تتابعوني هذا انستقرامي:
Queen_Photo
نصائح للاختبارات:
١- نامي بكير ع شان تصحي بكير
٢- نظمي المواد في جدول حسب الأولوية وليس حسب التاريخ
يعني لو مادة حاسة انها صعبة عليك ابدئي فيها، وحددي عدد الأيام لكل مادة ع شان ما يضيع وقتك ع مادة وحدة
يعني شخصياً أنا حددت للكيميا ٣ أيام أول ٣ فصول خلصتها بيوم وآخر فصلين خليت لكل فصل يوم لأنهم أصعب ويحتاجون تركيز وتقدرين تقسمين وقتك ع حسب اللي تشوفينه صح.
٣- اذكري الله وصلي الصلاة بوقتها
٤- لا تنسين الرياضة حتى لو مشي نص ساعة قبل أو بعد الفطور.
٥- لا تذاكرين بغرفتك لأنك راح تتوهمين انك نعسانة وتعبانة
روحي لمكان هادئ ومرتب بس ما فيه سرير
٦- لا تهملي أي وجبة رئيسية في اليوم
٧- لا تحرمي نفسك من شي تحبيه
لأن أيام المذاكرة مو سجن ولا تعذيب، لكن أولاً وأخيراً الأولوية للمذاكرة.
٨- نظمي استخدامك للانترنت
يعني خليه فترات الراحة وأوقات الفراغ لكن وقت الجد ابعدي عنه لأنه ما بينفعك كثر ما يضرك
٩- استخدمي تلخيصاتك أيام الاختبارات الشهرية لأنها بتوفر عليك جهد كبير
١٠- قبل النوم خليه وقت لنفسك
(استرخي، اهتمي بنفسك، اقرئي كتاب يعجبك، حطي موسيقى ريلاكس، أو قرآن ع شان تهدئين نفسك وتنسين تعب اليوم)
